Árshlutareikningur HS Veitna hf. fyrir fyrri hluta ársins 2020 var samþykktur á fundi stjórnar í dag, 28 ágúst 2020
Heildarhagnaður á fyrri hluta ársins 2020 var 374 milljónir króna á móti hagnaði á sama tímabili árið 2019 upp á 499 milljónir króna.
EBITDA lækkar um 7.4% en hún var á fyrri helmingi ársins 2020 1.315 milljónir króna (35,6%) á móti 1.419 milljónum króna (38,8%) á sama tímabili árið 2019.
Fjárhagsstaða er sterk og horfur góðar. Eiginfjárhlutfall þann 30. júní 2020 er 46,6% en var 43.2% á sama tíma 2019.
Veltufjárhlutfall var 1,67 þann 30. júní 2020 samanborið við 2,12 í árslok 2019.
Hluthafar félagsins eru fjórir, í lok júní áttu þrír hluthafa yfir 10% hlut í félaginu:
- Reykjanesbær 50.10%
- HSV Eignarhaldsfélag slhf 34.38%
- Hafnarfjarðarbær 15.42%