Er stefnt að því að verkinu verði lokið á árinu 2026.
Framkvæmdin er mikilvægur liður í að styrkja afhendingaröryggi rafmagns og þar með gott þjónustustig fyrir viðskiptavini okkar á svæðinu, þ.e. bæði í Hafnarfirði og Garðabæ.
Nýja aðveitustöðin mun gegna lykilhlutverki í uppbyggingu á svæðinu og leggja HS Veitur áherslu á ábyrga og örugga framkvæmd í góðu samráði við sveitarfélög og í sátt við samfélagið.
Verkið komið í útboð
Útboðsgögn voru gerð aðgengileg á útboðsvef HS Veitna þann 11. mars kl. 13:00.
Um er að ræða nýsmíði aðveitustöðvar við Kaplahraun 24 í Hafnarfirði. Verkið felur í sér jarðvinnu, uppsteypu og byggingu tveggja fullbúinna húsa að utan sem innan ásamt frágangi lóðar og umhverfis.
Um er að ræða spennabyggingu með tveimur spennabásum 138 m² að flatarmáli ásamt rofasalsbyggingu með jarðhæð og kjallara samtals 347 m² að flatarmáli.
Verktaki skal skila fullfrágenginni byggingu, tilbúinni til notkunar í fullu samræmi við ákvæði útboðsgagna sem aðgengileg eru á utbod.hsveitur.is