Sjálfbærnistefna
1. Stefna í samfélagslegri ábyrgð
HS Veitur eru framsækið þekkingar- og þjónustufyrirtæki í veitustarfsemi sem telst til mikilvægra innviða. Hlutverk félagsins felst í að færa viðskiptavinum lífsgæði með því að veita aðgengi að tærum og endurnýjanlegum auðlindum á sjálfbæran og hagkvæman hátt í samræmi við lögbundnar skyldur. Hjá HS Veitum starfa um 95 starfsmenn sem sinna margvíslegum störfum til að uppfylla hlutverk félagsins. Félagið vinnur margvísleg verkefni á sviði sjálfbærni og hefur áhrif víða í samfélaginu.
Sjálfbærnistefna þessi nær utan um samfélagslega ábyrgð HS Veitna í víðu samhengi og munu hugtökin samfélagsleg ábyrgð og sjálfbærni verða notuð jöfnum höndum í stefnuyfirlýsingunni og verkefnaáherslum sem fylgja hér á eftir. Með sjálfbærnistefnu lýsir félagið því yfir að það ætlar á ábyrgan hátt að vinna að því að lágmarka neikvæð áhrif á samfélagið og auka þau jákvæðu.
1.1 Stefnuyfirlýsing
HS Veitur skuldbinda sig til að starfa með sjálfbærni að leiðarljósi í allri starfsemi sinni. Markmiðið er að tryggja sameiginlega hagsmuni samfélagsins, viðskiptavina, starfsfólks og eigenda með ábyrgri nýtingu auðlinda og lágmörkun neikvæðra áhrifa á umhverfi og samfélag.
- Umhverfi
- Notkun umhverfisvænna orkugjafa.
- Lágmörkun sóunar og ábyrg meðhöndlun úrgangs.
- Skilvirk ferlavinna og stöðug umbótamenning.
- Loftslags- og loftlagsáhætta
- Aðlögun innviða og rekstrar að breyttum veðurfarsaðstæðum, t.d. auknum úrkomum, stormum og þurrkum.
- Samdráttur í losun gróðurhúsalofttegunda.
- Innleiðing kolefnisbókhalds og markmið um kolefnishlutleysi. (umfang 1)
- Félagslegir þættir
- Áhersla á heilbrigði, jafnvægi og góð samskipti.
- Virðing fyrir hagsmunum samfélagsins og starfsfólks.
- Stuðningur við fjölbreytileika og jafnrétti.
- Stjórnarhættir
- Opnir og traustir stjórnarhættir.
- Reglulegt endurmat á stjórnarháttum samkvæmt viðurkenndum leiðbeiningum.
- Gagnsæi og ábyrg upplýsingagjöf.
2. Áherslur HS Veitna í sjálfbærni
2.1 Heimsmarkmið Sameinuðu þjóðanna
HS Veitur leggja sérstaka áherslu á heimsmarkmið sem tengjast hreinni orku, jafnrétti kynjanna (5), heilsu og vellíðan (3), ábyrgri neyslu og framleiðslu (12) og aðgerðum í loftslagsmálum (13).
Stefnan skal endurskoðuð á tveggja ára fresti.
Samþykkt af framkvæmdastjórn 19.06.2025