Rafmagnsveita

Hvernig gengur tenging húsnæðis við rafdreifikerfi fyrir sig?

Viðskiptavinur

Semur við rafverktaka og skila inn beiðni um heimtaug með þjónustubeiðni SO.801, heimlagnabeiðni þarf að skila undirritaðri af eiganda húsnæðis til HS Veitna.


Hvar skal heimtaugin fara inní húsnæði? – Með umsókninni þarf að fylgja málsett afstöðumynd og málsett grunnmynd. Einnig þarf að koma fram hvort viðskiptavinur óski eftir því að HS Veitur leggi ídráttarrör út fyrir lóðamörk gegn gjaldi.  Ef viðskiptavinur leggur ídráttarrör sjálfur þarf hann að skila inn málsettri mynd sem sýnir staðsetningu á röri við lóðamörk.

 

Sækja skal samtímis um allar veitureningar sem HS Veitur sjá um.

 

Rafmagnssvið

Hannar tengingu húsnæðis og tengir strenginn í götukassa.  Heimtaugarendinn er dreginn inn í húsnæðið. Þegar taugin er tilbúin til áhleypingar lætur verkstjóri tengilið verkkaupa vita.

 

Gjaldkeri

Gefur út reikning fyrir heimtauginni og sendir til viðskiptavinar. Reikninginn þarf að greiða áður en áhleyping á sér stað.

 

Viðskiptavinur

HS Veitur fara fram á að rafverktakar skili rafrænni þjónustubeiðni á vef Mannvirkjastofnunar.


Þjónustubeiðni rafverktaka eru upplýsingar sem rafverktakar þurfa að skila inn vegna vinnu við rafmagnsdreifikerfi að kröfu Mannvirkjastofnunar.

 

Ef um er að ræða fjölbýli þá þarf að skila inn skráningarblaði veitna í síðasta lagi með áhleypingarbeiðni – sjá skráningarblað hér.

 

Mæladeild

Þegar greiðsla hefur borist fyrir heimtaugina og áhleypingarbeiðni hefur verið móttekin setja starfsmenn mæladeildar upp rafmagnsmælinn og spennusetja veituna.