Skammtímatenging rafmagns

Hvernig gengur skammtímatengin rafmagns í vinnuskúr fyrir sig?

Viðskiptavinur

Semur við rafverktaka og sækir um tengingu skammtímaheimtaugar inná Mínum síðum HS Veitna.

 

Hvar er vinnuskúrinn staðsettur? Skila þarf inn með beiðninni teikningu sem sýnir staðsetningu vinnuskúrs á byggingareit.

 

Athugið að bráðabirgðaheimlagnir eru aftengdar þegar aðalheimlagnir eru tengdar, nema um annað sé samið sérstaklega.

 

Rafmagnssvið
Grefur fyrir skammtímaheimtaug og tengir í götukassa. Heimtaugarendinn er dreginn inní eða að vinnuskúr.
Þegar taugin er tilbúin til áhleypingar lætur verkstjóri tengilið verkkaupa vita.

 

Rafverktaki

HS Veitur fara fram á að rafverktakar skili rafrænni þjónustubeiðni á vef Húsnæðis- og mannvirkjastofnunar fyrir áhleypingu veitunnar.

 

Gjaldkeri
Gefur út reikning fyrir heimtauginni og sendir til viðskiptavinarins. Reikninginn þarf að greiða áður en áhleyping á sér stað.

 

Viðskiptavinur
Greiðir útgefin reikning og óskar eftir áhleypingu þegar það er tilbúið.

 

Mæladeild
Þegar greiðsla hefur borist fyrir heimtaugina og áhleypingarbeiðni hefur verið móttekin setja starfsmenn mæladeildar upp rafmagnsmælinn og spennusetja veituna.

 

Viðskiptavinur
Þegar viðskiptavinur vill láta aftengja vinnuskúrinn lætur hann rafverktaka sinn óska eftir aftengingu veitunnar inná vef Húsnæðis- og mannvirkjastofnunar.

 

Athugið að ekki er greitt sérstaklega fyrir aftenginguna.