Hemla og mæligrindur
Árið 2006 var byrjað að nota nýja gerð hemlagrinda í sölukerfi HS Veitna hf. Er það tilkomið vegna þess að framleiðandi eldri lokanna (hemlana) er að hætta með þá í framleiðslu. Nýja gerðin er þó aðeins sett upp í nýjum húsum í dag. Gamla gerðin hemlar vatn ásamt tveimur koparstykkjum (blendi). Fyrra blendið er fyrir neysluvatn og það síðara er fyrir hitakerfið.

Með nýju lokunum (hemlunum) er ekki þörf fyrir blendi, heldur hemlar fyrri hemill í grindinni neysluvatn og sá síðari inn á hitakerfið HS Veitur hf á búnað í grind sem merkt er frá 1 til 4 og þjónustar hann. Auk þess á HS Veitur hf inntakið sjálft og heimæð að húsinu. Annar búnaður er í eigu húseiganda.

Eldri gerð hemlagrindar:

1. Inntaksloki hitaveitu
2. Sía
3. Hemill
4. Mæli-té
5. Höfuðloki hitakerfis
6. Þrýstimælir
7. Þrýstijafnari
8. Hita- og þrýstimælir
9. Einstreymisloki
10. Höfuðloki heitt neysluvatn
11. Þjónustuloki
12. Öryggisloki
13. Þjónustuloki
14. Hita- og þrýstimælir
15. Sía og tæming
16. Mótstöðuloki
17. Frárennsli

Sjá nánari skýringu á fyrstu mynd til hægri.

Nýrri gerð hemlagrindar:

1. Sía
2. Neysluvatnshemill tegund Danfoss AVQ
3. Mælité fyrir neysluvatn
4. Höfuðloki neysluvatn
5. Hitakerfishemill tegund Danfoss AVQ
6. Mælité fyrir hitakerfi
7. Höfuðloki hitakerfis

Sjá nánari skýringu á annari mynd til hægri.

Mælagrind:

1. Inntaksloki hitaveitu
2. Sía
3. Rennslismælir, sölumælir HS Veitna hf
4. Höfuðloki hitakerfis
5. Höfuðloki heitt neysluv.
6. Þrýstimælir
7. Þrýstijafnari
8. Hita- og þrýstimælir
9. Einstreymisloki
10. Stilliloki (magnstillir)*
11. Öryggisloki
12. Stilli-té (loki)
13. Ofnloki bakrennsli
14. Þjónustuloki
15. Hita- og þrýstimælir
16. Sía og tæming
17. Mótstöðuloki
18. Frárennsli

Sjá nánari skýringu á þriðju mynd til hægri.

* Stilliloki er verkfæri til að hámarka það magn sem getur farið inn á hitakerfi húsa, bremsar það niður. Stærð lokans skiptir máli. Ráðlagt er að hafa samband við fagaðila, t.d. pípara varðandi uppsetningu og stillingu lokans. Loki sem sýndur er á mynd er aðeins einn af nokkrum möguleikum til að hámarka það rennsli sem fer í gegnum hitakerfið.