Mælavæðing hitaveitunnar

Það eru rúm tvö ár síðan umræða hófst um þessa breytingu en undirbúningur hófst af fullum þunga í upphafi árs 2010. Áætlað er að vinna við að skipta út núverandi hemlum í hitagrindum og setja í staðinn rennslismæla hefjist um mánaðarmótin ágúst – september 2010.

Flestar veitur hér á landi selja í dag vatn samkvæmt rennslismæli. Veitur sem byrjuðu með hemla hafa nær allar skipt yfir í rennslismæla. Megin orsök þessara skipta er sú að það verður sífellt erfiðara að fá hemla sem standast kröfur HS Veitna hf um nákvæmni og stöðugleika.