Suðurnesjum
Opinberlega má segja að umræður um virkjun jarðvarma á Suðurnesjum til
rafmagnsframleiðslu og upphitunar húsa hafi hafist á sjötta áratugnum en segja
má að framkvæmdir hafi, að hluta til, strandað á lágu olíuverði sem talið var að
hitaveita gæti ekki keppt við. Þegar olíuverð fór síðan sífellt hækkandi
breyttust forsendur og virkjun jarðvarma fór að þykja fýsilegur kostur.
Heita vatnið , sem framleitt er í orkuverinu við Svartsengi er ferskvatn
(grunnvatn), sem fengið er úr ferskvatnsbólum í Lágum. Vatn úr þessum
ferskvatnsbólum er einnig notað sem ferskvatn í Grindavík, Reykjanesbæ og á
Keflavíkurflugvelli.
Framleiðsla heitavatnsins er afar einföld og er hún þannig, að ferskvatn úr
Lágum er hitað upp með Jarðhitagufu. Auk upphitunar er heita vatnið soðið til að
losa úr því allar lofttegundir, einkum súrefni og koltvísýring og er það kölluð
afloftun. Væri heita vatnið ekki afloftað væri það ónothæft, vegna þess að það
tærði stál því tæring á sér ekki stað nema að súrefni sé til staðar.
Vestmannaeyjum
20MW rafskautaketill framleiðir gufu sem leidd er í tvo 10MW varmaskipta sem
hita upp vatnið sem síðan er dælt inn á dreifikerfið. Vatnið sem notað er til
upphitunar er neysluvatn sem kemur undan Eyjafjallajökli og er dælt um
sjóleiðslur til Vestmannaeyja. Raforkan sem notuð er við gufuframleiðsluna er
afgangsorka frá Landsvirkjun. Samhliða raforkunni er nýttur varmi frá
Sorpeyðingastöð Vestmannaeyja og frá fiskimjölsverksmiðjum í Eyjum þegar þær eru
í gangi. Um 15 % orkunnar fæst með þessu móti. Hraðastýrðar dælur dæla vatninu
út á dreifikerfið sem er tvískipt, það er að segja efra dreifikerfi og neðra
dreifikerfi.
Einangruð stálrör eða einangruð Pex plaströr eru lögð í húsin. Annað rörið er
framrásin (heitt vatn með 4 til 7 kg/cm2 þrýstingi) sem hitar upp ofna og
neysluvatn. Eftir notkun fer vatnið í bakrásina (um það bil 28°C með 2 til 4
kg/cm2 þrýstingi) upp í Kyndistöð og er hitað upp aftur.
- Lengd dreifikerfis: 500 km
- Vatnsmagn inn á kerfinu: 600 m3
- Fjöldi húsa/íbúða tengd: 1400
- Hámarksdæling: 320 m3/klst
- Meðalálag: 7 til 8 MW
- Hámarksálag: 14 til 15 MW
- Lágmarksálag: 4 MW
Í dreifikerfinu eru 130 brunnar. Í brunnunum eru stofnlokar, heimæðalokar
ásamt festum og þenslum.
Brunnarnir gegna mikilvægu hlutverki þegar tengivinna, bilanir eða lekaleit
eiga sér stað.